Epektibo na simula bukas, Oktubre 3, ang bagong minimum fare sa pampasaherong jeep at ilan pang uri ng pampublikong sasakyan.
Kaugnay nito, ₱12 na ang minimum na pasahe sa traditional public utility jeepneys habang ₱14 sa modern public utility jeepneys.
Onse pesos naman ang magiging minimum fare sa ordinary provincial buses; ₱13 sa ordinary city buses at ₱15 sa air-conditioned city buses.
Habang ₱35 hanggang ₱45 ang bagong flag down rate para sa mga taxi at TNVS.
September 16 nang ianunsyo ng Land Transportation Franchising and Regulatory Board (LTFRB) na inaprubahan nito ang ₱1 taas-pasahe sa jeep; ₱2 sa city at provincial buses at ₱5 sa mga taxi at TNVS.
Hindi pa naaaksyunan sa ngayon ng LTFRB ang hirit na dagdag-pasahe ng UV Express.
Facebook Comments
