Alang kanatong mga kristiyano, nindot gyud ang makasimba ta matag Domingo kay dili lang nga obligasyon ni nato isip mga binunyagan nga Roman Catholic apan usa pud ni sa mga bug-at nga sugo sa Ginoo. Kung atoang kwentahon ka upat rani sa usa ka buwan. Ka usa sa usa ka semana tapos usa ra pa gyud ka-oras. Ngano gyud diay dili ka katambong sa santos nga misa matag Sunday? Mao ni akoang nabantayan nga mga hinungdan.
1. MISMO IMONG PAMILYA DILI HINIMBAHON. Self explanatory na kaayo ni. Apan challenge ni nimu nga ikaw unta ang maka influence nila.
2. KIATAN LANG SA LAAG. Perhaps Saturday night pwerte nimung party kay single ka o ga maoy sa gugma. Mas ma excite paka maglingaw-lingaw kaysa maminaw sa nindot nga mga pagtulon-an.
3. BUSY SA UYAB. Mas unahan pa ninyo ang pag adto’g Kawasan falls, butanding sa Oslob, Bas Dako sa Moalboal, Sirao flower farm, Tops, Mountain view, 10k Roses sa Cordova, island hopping sa Lapu Lapu, Cebu West Town Lagoon, Mango, Ayala, ug daghan pa para lang sa relationship goals. Pwede raman jud muadto aning mga lugara kay ka nindot ani peru mas nindot pud nga makasimba jud ta.
4. DILI KA INTERESADO. Mao ni kuyaw. Roman Catholic ka kay nabunyagan apan wala kay practice sa imong pagka kristiyano. Mas mulambo gyud unta ka kung mo simba ka ug maminaw kag maayo sa wali sa pari.
5. BUSY PADATO. Bisag Sunday trabaho. Way pahuway. Di man lang makaginhawa. Murag permi gigukod unya ang reality kay kung magkasakit na diha na makahinumdom sa simbahan. Peru saludo ko sa mga negosyante nga mosimba gyud.
5. DAGHAN LANG JUD KAG PALUSOT. Bisag na igo pa ka sa tanang rason kay muana ka nga “Naa bitaw sige simba peru mga salbahis gihapon. Mao raman gihapon storyaa. Maypa nang way simba basta buotan.” Imo pud ng opininyon. Peru ako pud ni. [Kidhat]
Mao ni mga idol. Asa may imong gi agree-han ani? Tubag! Tubag! Peace out. Smile lang. Pahinumduman lang ni. Naa raman nimu gihapon ang huling salita. Nindot gyud unta mosimba kung kauban ang pamilya. Kung naa kay uyab, e uban lang pud. [Kidhat]
