DAGITI LAENG LEGAL A PROCESSING FEE TI MABAYADAN ITI SERBISYO TI LEGAL DIVISION TI DAR ILOCOS NORTE

112

iFM Laoag – Inbatad ni Provincial Agrarian Reform Program Officer II Vic M. Ines a dagiti laeng legal a processing fee ti mabayadan kadagiti serbisio nga ipapaay ti Legal Division iti Department of Agrarian Reform – Ilocos Norte.

Namungay daytoy kalpsan nga adda dagiti agsaludsud iti mabaybayadan iti nasao nga ahensia iti gobierno.


Karaman kadagiti serbisio nga ipapaay ti Legal Division ti DAR Ilocos Norte ket ti pannakaited aksion kadagiti aplikasion para iti DAR Clearance, Certification ken Conversion.

Kuna ni Ines, libre wenno awan mabayadan kadagitoy a serbisio malaksid laeng iti bassit a processing fee a maikkan pay ti opisial a resibo manipud iti gobyerno.

Malagip nga adda dagiti paglintegan a mangipawpawil ti panagdawat wenno panagawat dagiti empleado ti gobierno ti kuarta manipud kadagiti umili nga agpatpatulong kadagiti opisinada.

Kuna ni Ines a sursuruten ti DAR Ilocos Norte ti tema ti selebrasion ti Philippine Civil Service Anniversary iti daytoy a tawen nga “Upholding Integrity and Building a High-Trust Society” wenno pannakapatibker ti integridad ken talek kadagiti agpapaay ti gobierno.

Innayunna pay a serioso ti opisinana a mangipatungpal ti transparency, accountability, gender equality, fairness ken justice kadagiti umili, nangnangruna kadagiti beneficiaries ti Comprehensive Agrarian Reform Program. [Detalye manipud ken ni Jorge Guerrero]

Bernard Ver, RMN News

Facebook Comments

From Advertisers