Militar full alert vs terrorism

32

Davao City – Nagpabiling luwas ug walay hulga gikan sa mga dautang elemento ang Region XI luyo sa nahitabong pagpamomba sa Isulan, Sultan Kudarat ug Indanan, Sulu dili pa lamang dugay.

Sumala ni Army Capt. Jerry Lamosao, 10th Infantry Batallion Information Officer, nagpabilin gihapon ang ilang hugot nga pagbantay anaa man or walay hulga gikan sa mga kalaban sa estado.


Tungod niini, padayon ang armadong kusog nga nanawagan sa katawhan nga magpabiling magmabinantayon sa ilang palibot ug gilayong i-report sa kapulisan o militar kung adunay makit-ang mga tawo sa ilang lugar nga lahi ra ang mga linihukan o kadudahan.

I-report usab ang bisan unsang mga butang nga mahibilin sa lugar nga wala nay tag-iya, dugang ni Lamosao.

Nanawagan usab ang atong kasundaluhan sa rehiyon ngadto sa mga nagsul-ob sa ‘hijab’ o ‘burqa’ nga mo-submiter usab sa ilang kaugalingon sa himoong mga inspection tungod ug alang sa kaluwasan natong tanan.

RadyoMaN Bernard Pantallon

Facebook Comments

From Advertisers