Daguma Agro Minerals Incorporated ukon DAMI magapresentar sang ila proposed coal mining project kay Governor Tamayo.

Magapresentar sa iya suno kay South Cotabato Governor Reynaldo Tamayo Jr. ang Daguma Agro Minerals Incorporated ukon DAMI angot sa proposal sang mga ini nga coal mining project sa Barangay Ned, Lake Sebu matapos ang ginhimo nga courtesy call sang nagligad nga semana.
Ini matapos nga nauna na nga ginbasura sang nagligad nga Sangguniang Panlalawigan ang nasambit nga proposal tungod sa isyu nga magabayolar sa provision sang Environment Code nga nagaban sang open pit mining method sa probinsya.
May-angot sini, suno kay Governor Tamayo ini agud mahibaluan niya man kon ano ang mangin direksyon sang provincial government kag proseso sa pagkuha sang coal kag paano maprotektahan ang environment.
Samtang kon ano man ang mangin resulta sang presentasyon ipresentar niya man sa mga katapo sang Sangguniang Panlalawigan partikular na sa mga bag-o.
Ginkumpirmar niya man nga isa sa natalakay sa pagplastar nila sang Executive Legislative Agenda ang pagreview sang environment code.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>