Dagyaw 2019 gilusad sa Davao

39

Davao City – Tumong nga makahigayon ang yanong Pilipino nga makastorya ang mga labaw sa gobyerno, gilusad karong adlawa, July 16, 2019, ang ikatulong hugna sa Dagyaw 2019: Open Government and Participatory Governance Regional Townhall Meetings dinhi sa syudad sa Davao partikular sa Davao City Recreation Center kanhi Almendras Gym.

Sumala ni PCOO ASec. Kris Ablan nga hisgotan karong hugna ang Peace and Order partikular ang mahitabo sa Mindanao labot sa gipatumang Martial Law diin anaa ang National Security Council aron kini tukion.


Unang gilusad ang Dagyaw sa San Fernando, Pampanga niadtong July 2, 2019 diin gituki ang Universal Health Care Bill dayon sa Cebu niadtong July 9, 2019 kung asa gituki ang turismo.

Gikanayon ni Ablan nga usa sa pinaka importanteng parte sa maong aktibidad mao ang Open Forum diin dinhi makahigayon og pangutana direkta sa labaw sa gobyerno ang lokal nga mga residente labot sa ilang mga mulo.

Gani gi-awhag niini ang DILG nga ireplika ang maong aktibidad diha sa regional ug lokal nga level sanglit positibo nag response niini sa mga nakapartisipar.

“Abangan nyo po ang Dagyaaw 2019. Ang ibig sabihin ng Dagyaw ay hiligaynon for bayanihan. Magtulungan po tayo (mga Pilipino) para ma-iangan ang ating bayan,” segun niini.

Ang Dagyaw gipangunahan sa Department of Budget and Management (DBM) ug Department of Interior and Local Government (DILG) kauban ang Presidential Communications Operations Office (PCOO) ug non-government partners.

Magpadayon ang ang maong aktibidad hangtod Setyembre 2019.

RadyoMaN Jason Amisola

Facebook Comments

From Advertisers