General Santos City—Gikawat sa wala pa mailhing suspetsado ang dakong kantidad sa Alahas sa usa ka panimalay sa Muñez Subd., Barangay Poblacion, Polomolok, South Cotabato.
Una nang midangop sa buhatan sa Polomolok Municipal Police Station ang usa ka George Labao Mallorca, 72 anyos, minyo ug lumulupyo sa maong lugar human matud pa gisulod sa kawatan ang ilang panimalay.
Matud pa sa imbestigasyon nga gihimo sa kapulisan, posibling ang suspect misulod sa balay mga alas 2:00 sa buntag hangtud 4:00 sa buntag kung asa miagi kini sa likod nga pultahan nga bahin sa balay ug iyang gikawat ang alahas nga nagkantidad ug 34,000, ug 50,000.
Apil usab sa gikawat sa suspek ang TV sa nahisgutang biktima. paspas usab nga misibat ang nahisgutan bitbit ang mga kinawat nga butang.
Gibutyag pa sa reklamante nga wala gyud sila nakamatikod dihang misulod ang suspek tungod hilabihan gyud ang ilang hinanok sa pagkatulog.
Sa karon naghimo na ug makuting imbistigasyon ang Polomolok Municipal Police Station kalabutan sa insidenti.
