Putlon na sa Cagayan de Oro Water District kon COWD ang joint venture tali sa Rio Verde Consortium nga maoy gahatag ug dakong suplay sa tubig ning syudad.
Kini human miduso ug kaso sa korte ang COWD aron pormal nga ma-terminate ang kontrata kuyog ang Rio Verde.
Gibutyag ni COWD Assistant General Manager Engr. Bienvenido Batar, Jr. nga basehan sa ilang pagputol sa serbisyo sa Rio Verde ang findings sa Commission on Audit kon COA sa gisudlan nilang kontrata.
Kahinumduman nga nabutang sa kontrobersiya ang Rio Verde tungod sa 50 mil ka mga kunsomante ang naapektohan tungod sa pagkawala sa supply sa tubig dihang naguba ang water pipeline sa Taguanao, Brgy. Indahag ning syudad sa miaging adlaw.
Gikalipay usab sa panig sa kompanyang Rio Verde Consortium nga makagawas sa kontrata nga ilang gisudlan sa COWD.
Samtang gihagit ni CDO City Mayor Oscar Moreno ang Cagayan de Oro Water District nga ipalambo ang ilang mga pasilidad ug serbisyo sa kataw-anan sa dakbayan.
