Gikakurat sa mga residente sa Barangay Bulua ug mga lumalabay ang dakong vandal nga makita sa pader sa Iglesia Filipina Independiente kon IFI Church ning syudad.
Matud sa mga motorcycle for hire drivers sa Bulua nga natingala silang duna nay dakong marka nga “MGA PARI SA IFI NPA SUPPORTERS – IPCDO” ug sa unahan nga bahin naay naka vandal nga “MGA PARI SA IFI TERORISTA”.
Nasayran nga mga ala una kaganihang kadlawon dunay upat ka mga lalaki nga sakay sa duha ka motorsiklo, nakatabon ang nawong ug gitabonan lakip ang plaka sa motor ang mihimo sa pagvandal sa maong pader.
Sa pakisusi nga gihimo sa dxCC-RMN sa kapulisan sa Bulua, gibutyag ni SPO4 Charley Alforque Executive Senior Police Officer sa Bulua Police Station nga wala pa silay report o reklamo nga nadawat kabahin sa maong vandalism.
