Tulo ka sakop sa maute terror group ang namatay atol sa nahitabong engkwentro sa Lanao del Sur.
Kini ang gibutyag ni 103rd Infantry Brigade Commander Col. Romeo Brawner.
Matud ni Col. Brawner nga natoltolan sa militar ang kota sa grupo sa Sultan Dumalundong ug Marogong sa Sultan Kudarat.
Nasayran nga na-engkwentro sa tropa sa gobyerno ang grupo sa Maute nga gipangulohan ni Owaida Marohombsar, alyas Abu Dar.
Sa mao nga engkwentro, tulo ka sundalo ang nasamdan samtang adunay uban nga sakop sa maute ang misurender sa militar.
Samtang padayon ang operasyon sa militar batok sa uban pang sakop sa grupo.
Kini particular ang anaa sa 30 ka sakop, apil ang leader nga si Abu Dar.
Tungod niini, nanawagan si Brawner sa mga residente nga dli magpanic, tungod kay tua sa bukirang bahin sa Sultan Dumalundong ang nasangpit nga engkwentro.
