Roxas City, Capiz – Ginserbehan sang warrant of arrest sang mga kapulisan ang tatlo ka mga persona sa Capiz nga may yara sang ginapangatubang nga mga kaso.
Dakop sa Brgy. Indayagan, Maayon, Capiz ang wanted nga si Rogelio LacaƱa, 51-anyos sa kaso nga homicide nga may yara sang 40 , 000 pesos nga pyansa.
Arestado man sa may bahin sang Rizal, Pontevedra ang wanted nga si Raul Bajada y Balcena, 54-anyos sang Brgy. Bolo Roxas City bangud sa pagbayolar sa R.A 10591 ukon Comprehensive Firearms Regulations Act.
Samtang sa Bagacay, Panay, ginserbehan man sang warrant of arrest ang akusado nga nagahingalan kay Lornel Erojo y Araza, 40-anyos bangud sa paglapas sa Section 7 sang R.A. 9175 ukon Chainsaw Act of 2002. Ini ang gilayon man nga nakapyansa balor 40, 000 pesos.
