Davao Occidental- Nasikop sa Philippine Drug Enforcement Agency o PDEA XI ang mag live-in partner human gilusad ang buy bust operation kauban ang pwersa sa Sta. Maria PNP alas 7:30 sa gabie sa Brgy. Basiawan sakop sa lungsod sa Sta. Maria Davao Occidental.
Subay sa report gikan Sta. Maria Pnp naila sa pangalan ang maglive-in partner mao sila Sherry Eve Tenebro, 34 anyos ug Mile Dumape, 30 anyos parehong nagpuyo sa nasangpit nga lugar.
Matud pa sa dihang gikasa ang buy-bust operation sa mga mga otoridad, napalitan og usa ka gamay nga sachet sa gituohan shabu ang mga suspek ug wala na kabantay nga ang ilang mga ka-transact mga otoridad ug personahe sa PDEA.
Narekober gikan sa posisyon sa dinakpan ang tulo ka gagmay nga sachet nga gituohang shabu lakip nakompiska ang 500 pesos nga buy-bust money.
Balhog na sa detention cell sa PDEA ang mga suspetsado ug mag-atubang og kasong may kalapasan sa RA 9165 kun Comprehensive Dangerous Drug Act.
RadyoMaN Don Pulayao
