Roxas City, Capiz- Natalana nga igapatawag sang talatapan ni Kapitan Rey Magallanes sang Brgy Baybay ang mga ginikanan sang mga menor de edad nga nadakpan nga naga-inom sa may Arnaldo Boulevard sang nakaligad nga semana.
Ginkumpirmar sini nga makaligad ang halos duha ka semana nga pagmonitor kag bangud sa reklamo sang pila ka mga concerned citizens, napulo ka mga persona ang nagkaladakpan nga nagainum sa isa ka furniture shop sa Arnaldo Boulevard kun sa diin walo sa mga ini ang lunsay mga menor de edad.
Ginpunto ni Kapitan Rey Magallanes nga may yara man sang salabton ang tag-iya ukon ang nagadumala sang amu nga establisemento bangud sa pagtolerar sang mga ini sa mga kabataan nga mag-inom sa amu nga lugar.
Nahibaloan nga ang mga nagkaladakpan ang lunsay mga estudyante sang isa ka eskwelahan sa Roxas City.
photo © Google map
