Sigma, Capiz- Dakop sang mga katapo ang Sigma Municipal Police Station sa pagpanguna ni Police Senior Inspector Christian P. Mahometano ang mga persona nga ilegal nga nagaserahe sang kahoy sa Barangay Pari-an, Sigma alas 10 sang aga.
Naaktohan sang mga kapulisan ang mga suspek nga ginkilala kanday Julie Ventura y Onates sang Brgy. Dalipdip, Altavas, Aklan kag Ricky Fernando y Magsipoc sang Brgy. Libas, Banga, Aklan nga nagapang-utod sang kahoy sa nasambitan nga barangay.
Sang ang mga ini ang ginpangitaan sang nagakaigo nga mga permit kag papeles sa legal nga pag-operate sang chainsaw, napaslawan nga makapresentar si Julie Ventura samtang si Ricky Fernando ang nakapapakita sang certificate of registration.
Ang amu nga mga persona ang natalana nga pagakasuhan bangud sa paglapas sa Violation of R.A. 9175 (Chainsaw Act of 2002) samtang ang duha ka unit sang chainsaw ang yara na sa paghinakop sang Sigma PNP.
photo © Sigma MPS
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
