Roxas City, Capiz- Dakop sang 41-anyos nga mister ang asawa sini kaupod ang ginapahayag kerido samtang yara sa isa ka lodging house sa Brgy. Baybay syudad sang Roxas.
Halin sa isa ka banwa sa segundo distrito, ginsundan nila sang iya bayaw kag tiya sang babaye ang iya asawa matapos nga naglaong nga magapadulong sa Teodoro Arcenas Trade Center.
Nahibaluan nga madugay na ini nga nakabati sang tsismis sa ila palibot nga may yara sang iban nga lalaki nga karelasyon ang iya asawa gani nga nagpangisog ini nga iya sundon.
Alas 4 sang hapon ang mga ini nagsulod sa amo nga motel apang tubtob alas otso na sang gab-e wala sa gihapon ang mga ini makaguha rason nga nagpangayo na sila sang bulig halin sa Roxas City PNP.
Matapos ang kapin sa isa ka oras nga pagnegosyar nga wala sang may matabo sa ila kag ka bulig ni Baybay Punong Barangay Reynaldo Magallanes, nakumbinser ang babaye kag ang kerido sini nga magguha.
Nahibaluan nga nagabolante sang produkto ang babaye kag lalaki sini nga kerido nga tricycle driver amo man ang gina-okuparan niya agud nga kargahan sang mga baligya padulong sa TATC.
Bangud sini, nagpabutyag naman ang bana nga magapasaka ini sang kaso batok sa pagluib sa iya sang iya asawa.
*(web photo)*
