DAKOP SA AKTO | Tatlo ka mga persona lakip ang isa ka membro sang LGBT naaktuhan nga nagagamit sang druga sa isa ka resort sa banwa sang Pilar, arestado!

363

Pilar, Capiz – Yara na sa kustodiya sang Pilar Municipal Police Station ang tatlo ka mga persona nga naaktuhan nga nagagamit sang ilegal nga druga samtang yara sa sulod sang isa ka resort nga nahamtang sa Brgy Natividad banwa sang Pilar.
Ginkilala ang mga suspek nga amo sanday Rhandy Tandoy Jr Pineza, 22- anyos sang Brgy Basak San Nicolas Cebu City kag Alvin Kho y Sling, 48- anyos sang Brgy Kamamalan, Cagayan De Oro City.
Samtang arestado man ang kaupdanan sang mga ini nga nakilala kay Rey Engarcial y Villahermosa, 33- anyos nga isa ka membro sang LGBT community kag residente sang Brgy Pusok Lapu Lapu City, Cebu.
Nahibaluan nga nakabaton lamang sang panawag ang kapulisan gikan sa caretaker nga naga-impormar nga may yara sang tatlo ka mga persona nga nagcheck-in sa nasambitan nga beach resort kag ginapahayag nga nagapatigayon sang pot session.
Sang ginrespondehan sang mga kapulisan, naaktuhan sang mga ini nga nagagamit sang ilegal nga druga samtang yara sa sulod sang hulot.
Natigayon nga marekober sa mga ini ang duha ka empty plastic sachet nga may residue sang ilegal nga druga kag isa ka sachet nga wala pa magamit lakip ang lighter, cellphones kag iban pa nga drug paraphernalias.
Natalana nga igasubmiter sa crime laboratory sa syudad sang Iloilo ang narekober nga items samtang natalana man nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang nasambitan nga mga persona.
photo(c)- Pilar MPS

Facebook Comments