Dakpan sa isa ka entrapment police operation kuman hapon an isa ka Wengelito M. Adino alyas Dondon o Joker,32 anyos,kasamtangan naghuya sa Entendez Boarding house sa may Borromeo St. inin syudad . Alas 3 an oras sa kahapunon taghimo an operasyon sa mga otoridad batok sa suspetsado suyod sa ija tagrentahan na boarding house diin naaktohan nagmolestya sa duha ka tinun-an sa elementarya na mga batang layaki samtang nag atubang sa live camera.Nakuhaan isab an suspetsado nan mga ebedensya na nagpakita nan mga pagmolestya sa mga tinun an o bata na layaki na jaun nakatago sa ija computer. Sa pagkakuman giandam na sa otoridad an tukmang kaso na ipasaka ngadto sa korte batok sa suspetsado. ( RadyoMaN Jerson Fuentes)
Facebook Comments
