General Santos City—Tingkagol na karon sa silda sa Police Station 4 ang usa ka 25 anyos human nga nasikop atol sa gihimong buy-bust operation sa kapulisan sa may Yumang Street, Barangay San Isidro, Gensan, alas 11:00 ang takna kagabie.
Suspek giilang si Exequil Pugos Tibas, Alias Chinito, 25, residenti sa Delfin Subd., Purok Malakas, Barangay San Isidro, Gensan.
Nasayran nga napalitan ang suspek ug (1) ka sachet sa gituohang shabu gamit ang P500.00 nga marked money.
Nakuhaan usab kini ug laing (2) pa ka pakete sa gituohang shabu ug usa ka Zip Lock Transparent cellophane nga dunay sulod nga gidudahang pinaugang dahon sa Marijuana.
Sa karon gihan-ay na ang kasong kalapasan sa RA 9165 nga atubangon sa suspek nga ipasang-at karong adlawa.
Facebook Comments
