General Santos City—Sikop sa Operatiba sa City Police Drug Enforcement Unit (CPDEU) ang usa ka lalaki atol sa gihimong buybust Operation sa may J. Catolico Avenue, Barangay Lagao, Gensan alas 9:30 sa buntag kagahapong adlawa.
Suspek giilang si Florante Gerodias, 46, Appliance Agent, residenti sa Carcon Village, Barangay Lagao, Gensan.
Nasikop ang nasangpit human nga napalitan kini ug usa ka sachet sa gituohang shabu gamit ang P500.00.
Hugtanon usab nga gihimakak sa nasangpit nga siya lambigit sa pagpamaligya ug iligal nga droga. gihingusgan pa sa suspek nga walay buybust nga nahitabo kagabie inay igo ra sya nga gipara sa mga nasangpit.
Nagtuo ang nahisgutan nga duna syay traffic violation mao nga siya mihunong, apan nakurat nalang kini dihang gisultian siya sa police nga siya subject sa buy-bust operation. Didto na kini gidakop sa kapulisan ug giposasan.
Giangkon sa suspek nga siya naggamitan ug illegal nga droga kaniadto apan dugay na syang naundang tungod nahadlok nga madakpan.
