South Cotabato- himas rehas na ang usa ka dispatcher sa Van human nasikop sa gihimong drug buy-bust operation sa Regional Police Drug Enforcement Unit (RPDEU) -12 ug kapulisan sa Koronadal City didto sa Casa Subd. , Barangay Zone-3, Koronadal City niadtong nakalabyang adlaw.
Suspek giilang si Michael Vargas, legal age, nga taga Barangay Zone 3, Koronadal.
Nakuha sa posisyon sa suspek ang (6) ka sachet sa gituohang shabu ug P500.00 nga marked money.
Subay sa pahayag sa kapulisan nga dugay nang gipanid-an ang suspetsado gumikan sa iyang iligal nga aktibidad particular na ang pagpamaligya ug iligal nga droga. Sa karon balhog na sa prisohan ang suspek ug napasakaan na sab kini ug kasong kalapasan sa R.A 9165.
Facebook Comments
