General Santos City—sikop sa operatiba sa Police Station 2 ang suspetsadong kawatan human nga paspas nga nakareport ang biktimang gikawatan niini didto sa may Purok Cabuay, Barangay sinawal Gensan, alas 10:55 ang takna sa gabie sa nakalabayng adlaw.
Una nang mireport sa buhatan sa Police Station 2 ang biktimang si Melchor Igot, legal age, nga taga Purok Cabuay, Sinawal human matud pa iyang naaktuhang giasnat sa suspek nga si Jason Opong ang iyang 2 inches nga TV.
Paspas sab nga mirespondi ang kapulisan inabagan sa mga Barangay Tanod sa maong barangay nga miresult sa pagkasikop sa suspek. Malampuson sab nga narekober ang TV sa biktima.
Sa karon ang suspek balhog na sa silda sa Police Station 2 ug gihuwat nalang ang desisyon sa biktima kung iya bang pasakaan ug kaso ang suspetsado.
