General Santos City—Sikop ang usa ka NPA Kumander atol sa gihimong operasyon sa hiniusang pwersa sa Alabel PNP ug Columbio PNP niadtong nakalabayng adlaw sa may Sitio Nop, Barangay Spring, Alabel, Sarangani Province.
Giila ang suspek nga si Gideon Colano Alias Kumander Revo, residenti sa maong lugar.
Una nang nakadawat ug impormasyon ang Alabel PNP nga sa Barangay Sping nag taguan si Kumander Revo mao nga sila nakig-alayon sa Alabel PNP aron sa pag sikop sa nasangpit .
Si Colano dunay kasong 17 counts of kidnapping and serious illegal detention, siya maoy namuno matud pa sa pagdagit sa duha ka mga sundalong silang si Staff Sergeant Garay ug Staff Sergeant Calucop niadtong nakalabayng tuig.
Sa kasamtangan balhog ang nasangpit sa Columbio PNP ug gikatakda na usab kining iturn-over ngadto sa Provincial Jail sa Sultan Kudarat higayon nga mugawas na ang Commitment Order niini.
