General Santos City—Sikop sa operatiba sa Malungon Municipal Police Station ang usa ka mag-uuma nga nag atubang ug kasong attempted homicide atol sa ilang gihimong Manhunt Charlie sa barangay Ampon, Malungon, Sarangani Province alas 6:00 ang takna sa gabie niadtong nakalabayng adlaw.
Suspek giilang si Jose Aquino, 46, lumulupyo sa samang Barangay.
Wala na mipalag ang suspek dihang gipresentar ngadto kaniya ang warrant of arrest sa kasong iyang giatubang.
Gikaingong dugay nang gipangita sa kapulisan ang suspek ug dihang nasayran nga anaa sa ilang panimalay ang iyang presensya, gilayon nga gihimo ang operasyon batok kaniya.
Sa karon ang nasangpit balhog na sa silda sa Malungon Municipal Police Station ug commitment order nalang ang gipaabot aron nga mabalhin na kini sa Sarangani Provincial Jail.
