General Santos City—Sikop ang usa ka Mekaniko nga giilang si Ibrahim Diamad, legal age, residenti sa Purok 5, Blaan Community, Barangay Labangal, Gensan human napalitan ug gituohang shabu atol sa gihimong operasyon sa Police Station 2 alas 2:00 pasado ang takna sa hapon kagahapong adlawa.
Nasayran nga gihimo ang usa ka buybust operation sa may National Highway nga sakop sa Barangay Apopong diin napalitan kini ug (1) ka sachet sa gituohang Shabu gamit ang P500.00 nga marked Money.
Wala na nakapalag pa ang suspek human nga nakorner sa kapulisan. Sa karon giandam na ang kasong kalapasan sa RA 9165 nga ipasang-at batok sa suspek nga balhog na karon sa silda sa Police Station 2.
Facebook Comments
