General Santos City—sikop sa operatiba sa PDEA Regional Office-12 sa pakig-alayon sa Sto. Niño, Municipal Police Station ang tulo ka lambigit sa iligal nga droga atol sa gihimong operasyon sa may Brgy. Ambalgan, Sto. Niño, South Cotabato, kagahapon sa kaadlawon.
Suspek giilang si Ibrahim Ambalgan Alias Mastura Ambalgan, mag-uuma ug Alvin Balao, 43, businessman, pulos residenti sa samang lugar.
Gibana-banaang anaa sa 25 ka gramos sa gituohang shabu nga nagkantidad ug P125,000.00 ang narekober sa posisyon ni Ambalgan samtang 10 ka gramos usab sa gituohang shabu nga nag kantidad ug P50.000.00 ; (1) ka unit sa 45 caliber pistol; (10) ka buhing bala; (1) ka ten rounder magazine ug (1) ka black colored holster ang nakumpiska kang Alvin Balao.
Samtang sikop usab sa laing pang operasyon ang suspek nga si BAIBON PINDAWATA, 44, businesswoman ug residenti gihapon sa maong Barangay human nga nakuhaan ug (1) ka gramo sa gituohang shabu nga nagkantidad ug P5,000.00.
