General Santos City–Sikop sa gipahigayong buy bust operation sa operatiba sa Police Station 5 sa pagpanguna ni Police Chief Inspector Basher Alindo, hepe sa maong buhatan ang usa ka Ramer Mallo, 25 anyos, rsidenti sa may Purok Saeg ,Barangay Calumpang ning dakbayan.
Kahibaluan nga bandang alas 7:00 sa gabie una nang gikasa sa maong buhatan ang operasyon batok na ngadto kang Mallo sa may Purok Saeg asa nakuha sa posisyon sa nahisgutan ang usa ka sachet sa shabu ingon man marked money P500.00.
Sa exclusive nga pakighinabi sa RMN news team kang PCI Alindo gibutyag niini nga dili lang nalambigit sa ginadiling droga si Mallo gumikan apil usab kini sa robbery nga nahitabo sa ilang area of responsibility kini subay na usab sa mga na biktima sa nahisgutan.
Samtang na-alarma na usab si Calumpang kapitan Arthur Ryan Dupalco gumikan sa sunod-sunod nga pagka-sikop sa mga pusher tungod sa pagtuo nga daghan pang mga tawo sa iyang barangay ang padayon naga negosyo shabu.(Ray Sabillo)
