General Santos City—Arestado ang usa sa tulo ka tulisan nga misuway ug tulis sa usa ka biktima sa may Pendatun Street, barangay East, Gensan alas 2:15 ang takna kaganinang kabuntagon.
Suspek giilang si Alan Abadinas, residenti sa Barangay Conel, Gensan.
Nasayran nga nagbaktas sa dalan ang biktimang si Leomer Regonan Lagura, 20 anyos nga taga Barangay Pagalungan, Polomolok, dihang kini giduol sa tulo ka lalaking nakamotorsiklo.
Minaog ang mga suspek dungan sa pagtuok sa biktima ug gitiunan pa kini ug kutsilyo.Gibaharan usab kining patyon sa mga nahisgutan kung magdumili sa paghatag sa iyang cellphone ngadto kanila.
Ang kumusyon nakit-an sa pulis nga nagpatrolya sa lugar mao nga sila giduol, nakasibat ang 2 ka suspek apan nadakpan si Abadinas. Narekober gikan sa iyang posisyon ang mahalong cellphone sa biktima.
Nasayran nga si Abadinas kanhing preso sa Gensan City reformatory Center ug June 31, 2018 lang kini nakagawas sa presohan.
