General Santos City—Sikop sa operatiba sa Glan Municipal Police Station ang usa ka wanted nga lolo kansa dunay warrant of arrest atol sa gihimo nilang operasyon sa Purok Mangga, Barangay Kablalan, Glan, Sarangani Province.
Giila ang dinakpan nga si Victor Dula, 60 anyos, mananagat ug residenti sa Patuko, Davao Del Norte kansa nag-atubang ug kasong kalapasan sa PD 532 kon anti Piracy and Highway Robbery.
Alas 5:17 ang takna sa hapon dihang nasikop ang nasangpit human nga nakadawat ug impormasyon ang kapulisan nga anaa sa may Purok Mangga, Barangay Kablalan ang maong suspek.
Sa karon ang nahisgutan balhog na sa silda sa Glan Municipal Police Station ug Commitment order nalang ang gihuwat aron nga mabalhin na ang nasangpit sa Sarangani Provincial Jail.
