General Santos City—Sikop sa Operatiba sa Police Station 2 ang usa ka wanted nga giilang si Klint John Alias Kling-Kling, legal age, residenti sa Purok KPS, Baranagy Labangal, Gensan atol sa ilang gihimong operasyon sa maong lugar kagahapong adlawa.
Alas 8:00 sa buntag dihang gihimo ang operasyon human nga nakadawat ug report ang Police Station 2 nga matud pa anaa sa lugar ang suspetsado.
Nadakpan ang nasangpit pinasikad sa Warrant of Arrest sa kasong attempted murder nga may criminal case no. 18300-1.
Wala na sab nipalag ang suspek dihang gipresentar kaniya ang warrant of arrest sa kasong ilang giatubang. Sa karon commitment order nalang ang gihuwat aron nga mabalhin na ang nasangpit sa Gensan City Jail.
Facebook Comments
