Pagadian City -Gitulis sa nagbinugtong nga armadong lalaki ang usa ka bakery sa Urro corner Araullo street., Brgy. San Jose Pagadian City ala 1:30 sa kadlawon.
Ang nabiktima sa pagpanulis mao ang Shirogi Bakery nga nahimutang sa maong lugar nga gibantayan sa kaherang si Judy Ann Gaviola ,21 anyos.
Matud sa biktima dihang nahinabi sa RMN Pagadian kalit nga mibutho ang nagbinugtong nga tulisang lalaki nga nagpatuong customer nga may dalang wala matino nga kalibre sa armas.
Mipalit pa ang suspek og pandesal nga mobalor sa P20 apan sa pagtunol sa tinapay nagtion na og armas dayong deklarar og tulis ang lalaki ug sa kahadlok sa biktima gihatag niini ang halin nga P1,456.
Dali dayong miikyas ang tulisan sibat palayo samtang ang biktima igo nalang nagpa-blotter sa hitabo.
