Dipolog City – Arestado sa hiniusang operation sa kapolisan ang usa ka dalaga human nalutsan og warrant of arrest sa kasong qualified theft ug nasapon sa panimalay sa Barangay South Mapang, lungsod sa Rizal ning lalawigan Zamboanga del Norte.
Ang nadakpan naila nga si Aira Ross, (Bansagon gipogngan) 18 anyos, mulupyo sa susamang dapit.
Ang pag-aresto sa maong dalaga gipangulohan ni Police Supt. Lito Andaya ang hepe sa Dipolog CPS uban nila SPO2 Federico Lacay ug SPO1 Lemuel Poracan igon man ang mga personahe sa Rizal pnp dala ang arrest warrant nga issued niadtong September 5, ning tuiga sa sala ni Judge Ric Bastasa sa RTC Branch 8 dakbayan sa Dipolog.
Sa kasayuran nga nakalap sa rmn nga ang dalaga gipasakaan og kaso sa iyang amo human matud pa nangahanao ang mga stock sa gitrabahoan kaniadto nga boutique.
Ang dalaga temporaryong gidetain sa lock up cell sa Dipolog pnp ug gimandoan sa korte mopiyansa balor 44mil ka pesos kon gusto niining makabaton sa temporaryong kagawasan. (R.M)
