Aurora, Zamboanga del Sur – Gapa-alim pa karon sa ospital ang 27-anyos nga dalaga human kining gipusil sa wala mailing responsable sa Purok Masanayon, Barangay Romarate sakop sa lungsod sa Aurora ning probinsya sa Zamboanga del Sur.
Giila ang biktima nga si April Joy Bermudez Nayve a.k.a. “May-may”, 27-anyos, residente sa Purok Mauswagon, Barangay Poblacion sa mao ra nga lungsod.
Sa inisyal nga imbestigasyon sa kapulisan samtang gimaneho sa biktima ang Toyota Hilux, nagtangag sa plaka numero 130310, color itom nga rehistrado sa pangalan ni Nestor Yaba sa Purok 1-Lumintao Quezon, Bukidnon sakay ang kauban niini nga si Stephany Gutierrez 27-anyos, usa ka studyante.
Kalit matud pa nga nibutho ang suspek og gipusil ang biktima.
Buslot ang tuo nga bahin sa pultahansa pick-up ug naigo ang biktima sa iyang suwang rason nga daling gidala sa Aurora community Emergency hospital alang sa medikasyon.
Naglusad na og hot pursuit operation ang Aurora Municipal Police Station alang sa pagsikop sa naka-ikyas nga suspek.
Gisuta pa sa otoridad ang motibo sa pagpamusil.
