Dalaga mireklamo kay gipakaulawan sa Facebook sa gitohoang asawa sa usa ka security guard

125

Davao City- Midangop sa kapolisan sa Sasa ang 4th year College Student nga si alyas Janine, 20 anyos ug mireklamo human iyang nadiskobrehan ang mga mangil-ad nga pulong nga gitohoang gipost sa usa ka nagpailang asawa sa security guard nga nag-akusa ka niya nga kabit.

Base sa blotter sa kapolisan, niadto pang Hunyo 28 gipost ang mga malaw-ay nga pulong batok kaniya sa account sa usa ka alyas Cara nga gitohoang asawa sa security guard nga diha nagaduty sa Cabaguio Avenue syudad sa Davao nga nag-akusa nga kabit sa iyang bana ug miingon nga usa siya ka baboy, assumera, ambisyosa ug giingnan pa siya nga itum og kinatawo. Wa pa gyud matagbaw si Cara ug giingnan pa siya og ‘matamis ang gata sa lubi’, gawas niini giingnan pa siya og ‘baho ka’g kinatawo’ ug usa ka ‘inosenteng burikat’.

Gisaysay pa sa suspetsado nga sangko sa langit ang iyang kasuko tungod kay giilog niini ang iyang bana. Apan nagduda ang biktima nga kining usa ka alias Cara nga nakarehistro sa facebook account peke kini ug siya nagduda nga ang nagpost niini nga mga malaw-ay nga pulong ang iyang silingan nga giila lamang sa mga alyas Jassel ug Abbygail nga taga Tibungco syudad sa Dabaw.


Tungod niini, ang Anti –Cyber Crime Unit sa kapolisan sa Sasa, nagpahigayon na ug inbestigasyon alang sa kasong ipasaka batok sa giingong suspetsado.
Kasamang Bernard Pantallon

Facebook Comments