General Santos City–Hingpit nang napasakaan ug kaso ang dalaga nga una nang nasikop sa gihimong buybust operation sa Alabel Municipal Police Station nga si alias Pearl Joy, 19 anyos nga taga Barangay Poblacion, Alabel, Sarangani province.
Sumala ni Police Sr. Inspector Benjie Ancheta, hepe sa Alabel PNP nga ila nang pasakaan ug kasong paglapas sa R.A 9165 ang suspek human kining nasikop alas 7:30 ang takna sa gabie sa nakalabayng adlaw sa Barangay Poblacion.
Si Pearl Joy kanhi nang drug surfacing personality sa lungsod apan subling mibalik sa iligal nga aktibidad pila bulan ang nakalabay human nga mitahan sa iyang kaugalingon gumikan sa pagpayuhot ug iligal nga droga.
Dugang pagbutyag ni PSI Ancheta nga ilang nakuhaan ug usa ka pakete nga shabu ang nahisgutang suspetsado. Nakuha sab sa iyang posisyon ang usa ka 500 peso bill kansa gigamit sa kapulisan nga marked money atol sa buybust operation.
