Dakpan ang usa ka dalaga human kini mapalitan ug illegal nga droga sulod sa hotel dinhi sa dakbayan sa Iligan.
Suspetsado nailang si Ceralyn Arroyo y Obsioma, 39 anyos dalaga, walay trabaho, ug molupyo sa Purok 10 Tambacan ning syudad sa Iligan.
Nasikop ang maong dalaga sa may Room 101 sa Farrah Hotel kinsa gikaingong gihimong drug den sa maong suspetsado ug ang mga parokyano niini.
Napalitan ang nasangpit nga suspek pinaagi sa usa ka poseur buyer ug usa ka gamayng sachet sa gituohang shabu nga nagkantidad ug 800 pesos, samtang nakuha usab sa possesion niini ang laing laing sachet sa shabu, usa ka unit nga cellphone, ug 500 pesos nga buy bust money.
Gidetained karon sa detention cell ang nasangpit nga suspek nga mag atubang sa kasong paglapas sa RA 9165.
Nasayran nga ang suspetsado, nadakpan na kaniadto sa mao ra gihapon nga kaso apan nakagawas kini niadtong Hulyo 2018.
