Dead on arrival sa Bugasong Medicare Hospital sanday Jenny Boy Espino, 37 anyos kag Juvy Nietes, 26 , lunsay residente sang Brgy. Paningayan, Laua-an, Antique matapos nagbunggo ang ginasakyan nga motorsiklo sa nasugata nga canter truck sa brgy. Bagongbayan, Laua-an, Antique sang Abril 27.
Base sa imbestigasyon sang Laua-an MPS, papuli na halin sa ‘outing’ ang mga biktima sang natabo ang insidente.
Ginapahayag nga naka-inom sang makahulubog nga ilimnon ang driver sang motorsiklo nga si Espino pati na ang duha ka backrider nga sanday Juvy Nietes kag Jonel Nietes , 27 anyos rason nga naga-esi-esi ang ila dalagan kag nagbunggo sa canter truck nga ginamaneho ni Jonathan Pacete , 30 anyos , residente sang Brgy. Leon, Laua-an, Antique.
Ginhingagaw dala sa hospital ang mga biktima apang ginbawia-an gid sang kabuhi sanday Jenny Boy Espino kag Juvy Nietes.
Nagsungka sa kapulisan ang driver sang canter truck.
