Pagadian City – Dihang gitugutan sa doctor nga makagawas si Shiela Joy Akin dala ang gihimugso nga batang babaye. Halos tanang tawo nga naa sa ospital ang nagpahulagway kaniya human kining nagtrending sa social media pinaagi sa Official Facebook Page sa RMN-DXPR Pagadian.
Sadya ang panagway ni Joy nga ninaug sa hagdanan kauban ang iyang pamilya samtang gikugos si Baby Sittie Hannah.
Subling nahinabi sa RMN Newsteam ang dalaga og iyang gibutyag nga andam niyang dawaton ang tanan nga posibleng pagsaway ug panghimaraot sa katilingban.
Nagpasalamat gihapon siya sa pagdawat sa iyang pamilya ug hinigugma taliwala sa nahitabo kaniya.
Gisulti pa niya nga normal kaayu ang iyang anak apan kinahanglan sila nga mogahin og salapi kay wala may sulod nga gatas ang iyang suso.
Nagdumili usab sa pagpagawas og mensahe o komentaryo ang doktor nga nagpa-anak ni Joy.
