General Santos City–Gikumperma ni Daisy Perez, inahan sa 16 anyos nga si Maria Teresa Perez kansa una nang nakaplagan patay nga nalugusan gyud ang iyang anak.
Basi matud pa sa resulta sa otopsiya sa patayng lawas sa biktima posibleng gihapak una kini ug bato ayha gidala sa bagnutan nga bahin dayon giamong-amongan sa wala pa mailhing suspetsado.
Dugang pa sa ginang nga mura ug natakdo ang sulti sa bata nga residenti sa ilang lugar nga iya pang nakit-an ang biktima nga naghubad ug pisi sa baka apan pagbalik niini nawagtang na ang nasampit nga biktima. nidtong higayuna didto na tingali gibunalan sa suspek ang biktima dayon gidala sa hilit nga lugar.
Dugang pagbutyag sa ginang nga basi usab sa doctor nga mihiling sa lawas sa iyang anak, posibleng dili lang usa ka tawo ang mihimo sa krimen sanglit anaa sa duha o mosubra pa. human sa krimen ilang gilabay ang biktima sa sapa.
Anbg inahan sa biktima ang nagbangutan karon ug nanawagan ug hustisya. Iyang panghinaot nga unta usigon ang mga suspeks a ilang konsensya ug dili patulugon human sa brutal nga pagpatay sa iyang anak.
Gisayangan lang matud pa sa mga suspek ang kinabuhi sa iyang anak nga unta daghan pa gyud kini ug pangandoy sa iyang kinabuhi aron makatabang sa ilang pamilya.
