Gibalik na sa iyang pamilya ang 20 anyos nga babaye’ng na-recruit sa rebelding New Peoples’ Army (NPA) kinsa nadakpan sa kasundaluhan didto sa lalawigan sa Nueva Ecija. Basi sa impormasyon nga gipagawas sa Police Regional Office 13, giila ang biktima nga si alyas “Rachel”, 20 anyos ug residenti sa dakbayan sa Butuan kinsa matud pa nadani sa pag-apil sa armadong kalihukan niadtong nag-edad pa lang kini ug 15 anyos.
Gikabutyag nga human siya na-recruit gidala kini sa Luzon ug nagserbisyo misip Platoon Medic sa NPA apan matud pa gipanamastamasan kini sa iyang mga kauban hangtud nabuntis.
Milugsong gikan sa bukid padulong sa lungsod sa Riza, Nueva Ecija ang biktima aron didto manganak niadtong Oktubre 13, 2018 gikatahong nadakpan kini sa mga otoridad.
Sa karon nakaauban na ni alyas “Rachel” ang iyang pamilya dinhi sa dakbayan sa Butuan. Subay niini padayong nanawagan ang PRO 13 sa mga batan-on nga dili magpalingla sa mga haylo sa rebelding New Peoples’ Army (NPA).
Sent from my Samsung Galaxy smartphone.
