Davao city – Anaa na karon sa pag-atiman sa City Social Services and Development Office pinaagi sa Bahay Dangupan sa NHA Buhangin ang usa ka 13 anyos nga dalagita human gilugos sa silingan.
Nasayran nga nakasinati karon og trauma si Alyas Amor human siya gilugos ni Eliaquim Quiratan, 44 anyos, laborer ug silingan sa biktima sa Cabayugan 1 Km. 11, Sasa ning siyudad.
Nakahukom ang inahan ni Amor nga si alyas Rosemarie nga mudangop sa Cssdo aron matambalan ang iyang anak gikan sa trauma nga mibalot kaniya karon tungod sa epekto sa gihimo ni Quiratan.
Base sa saysay sa biktima nga natigayon ang krimen pasado 6:00 sayo sa kagabhion niadtong Agosto 19.
Nag-inusara niadtong tungora nagluto ang biktima sa ilang balay dihang misulod ang suspek ug gitabo-nan ang baba niini dayon gilugos ang biktima.
Wala dayon makasulti ang biktima sa niluog nga binuhatan ni Quiratan kay gibaharan si Amor nga bug-haon kun musugilon sa iyang mga ginikanan.
Napugos lamang og tug-an si Amor dihang gikuti na kini og pagpangutana sa iyang inahan nga alyas Rosemarie nunot sa gipakitang dili kasarangan nga lihok sa biktima.
Wala maglangan ang inahan sa pagdangop sa Women’s and Children Desk sa Sasa PNP aron madakpan ang suspetsado ug manubag sa iyang niluog nga binuhatan sa dalagita.
RadyoMan Joel Viray
