Davao City – Samdan ang usa ka CAFGU human gipusil sa iyang kauban hinungdan gidala sa Sothern Philippines Medical Center aron matambalan kagabii.
Ang biktima nga si Almerick Luma, Cafgu, 25 anyos ug nanimuyo sa barangay Sibulan Sta. Cruz Davao Del Sur gipusil sa kaubanang cafgu pasado 8:00 kagabii nga natigayon sa Loyal Village sa mao nga lungsod.
Una paman nahitabo ang pagpamusil, nakig-inuman pa si Luma uban sa suspetsado ug tungod kay lango na nananghid ang biktima nga mu-una og uli.
Apan wala damha ni Luma nga mibunlot og wala pa matino nga armas ang suspek ug dayon pusil apan maayo na lang kay wala maantimano ang biktima gawas sa tuo nga bahin sa iyang kamot.
Pabilin pa nga nagpaalim sa samad pinusilan ang biktima sulod sa SPMC.
RadyoMan Joel Viray
