General Santos–nagtingkagol karon sa Police Station 1 ang duha ka mga suspect nga naila nga silang Romeo Yuson ug Jay-Jay Bantilan pulos hamtong ug lumulopyo sa silway Barangay West tungod sa pag panglugos sa usa 17 anyos nga babae nga si alyas Jenny ug lumulopyo sa barangay bula ning syudad human nasikop sa gipahigayong follow up operation sa kapulisan.
Subay sa sumbong sa biktima ngadto sa kapulisan, gihubog sa mga nasangpit ang maong dalagita sa Explore bar niadtong milabay nga adlaw ug gidala sa silway ug gipuli-pulihan ug lugos.
Misumbong matud pa sa WCPD (Womens And Children Protection Desk) sa Police Station 1 ang biktima mga alas 11:00 ang takna sa buntag , human niini gihimo dayon ang operasyon nga miresulta sa pagkasikop sa mga nahisgutan.
Sa kasamtangan gipaabot nalang sa Police Station 1 ang Medical Report sa biktima aron nga pormal nga makapasang-at ug kasong pagpanglugos batok sa mga nasangpit.
Samtang hugtanon usab nga gipanghimakak sa mga suspect ang maong aligasyon, sumala pa ni Bantilan nga dili nila kaila ang babae ug gihatod lang matud pa nila sa bula human nga hubog kaau ang nasangpit ug wala matud pa nila kini gi lugos. (Dave Silagan)
