Davao City – Maagian na sa mga motorista ang national highway sa Pulang Pantad, Barangay Badas, Mati City, Davao Oriental human kini naapektuhan sa landslide pasado alas 2:00 sa hapon kagahapong adlawa, May 20, 2024 (Lunes)
Sa report sa Local Government Unit (LGU) Mati, temporaryong wala naagian ang 2 lanes sa maong dalan tungod sa epekto sa landslide.
Gilayon usab nga gipahibalo ug narespondehan sa Department of Public Works and Highways (DPWH) ang insidente ug nagpahigayon og clearing operation.
Sa update sa LGU Mati, pasado alas 4:00 sa hapon kagahapon, maagian na sa mga motorista ang maong dalan apan gipaigmat gihapon ang mga motorista tungod sa mga minor landslide.
Hinuon, walay gika-report nga naapektuhang sakyanan o indibidwal atol sa pagdahili sa yuta.
RadyoMaN Kirby Manzon
Facebook Comments
