ILOILO City – Gusto ni Councilor Lyndon Acap nga ibalik na bilang city roads ang mga dalan sang syudad nga nauna na gincovert sa national roads.
Suno kay Acap apektado na ang palangabuhian sang mga tricycle kag trisikad drivers bangud indi sila mahimo makabyahe sa mga national roads.
Pahayag ni Acap nga halos 90% na sang mga city roads ang nangin national roads sa handum nga indi na mabudlayan ang syudad sa maintenance kag repair sang mga ini.
Subong man nagapati si Acap nga natigayun na ang katuyuan gani kun mahimo ibalik na ang mga ini nga dalan bilang city roads.
Matandaan nga ginhimakasan ni Congressman Jerry Treñas nga maconvert ang mga city roads sa national roads agud mapondohan sang national government ang repair kag maintenance sang mga dalanon nga wala sang gastuhon ang syudad.
Photo from web
