Nagkatimbayayong ang nagkadaiyang ahensya sa gobyerno sa gipahigayong duha ka adlaw nga National Peace caravan kansa gisugdan gahapong adlawa pinaagi sa pag turn-over sa mga serbisyo ngadto sa napulo ka barangay sakop sa dakbayan sa Gingoog.
Ang maong mga barangay gilangkoban sa barangay Kalipay, Eurika, Sangalan, Kamanikan, Dinawehan, Kianlagan, San Jose, Malibud, Tagpaka ug barangay Talon.
Nakighiusa sa maong kalihokan sila Gingoog city mayor Marie Guingona, DepEd secretary Armin Luistro ug LP standard bearer Mar Roxas.
Nasayran nga mao kini ang ikalima ug katapusang serbisyo caravan nga ipahigayon ubos sa Aquino administration diin una kining gipahigayon sa Loreto, Agusan del Sur, ikaduha sa Talaingod, Davao del Norte, sunod sa Lianga, Surigao del Sur ug ikaupat sa Ngan, Compostela Valley.
Gituyo pagmugna ang maong kalihokan alang sa mga lumad nga nanimuyo sa maong siyudad kinsa gilangkoban sa HIgaonon, mga binipisyaryo sa Pantawid pamilya Pilipino program kon 4P’s, indigent individuals ug mga residente nga apektado sa mga pagpang-atake.
