CAUAYAN CITY – DALAWANG PROUD ISABELINO ANG PUMASOK SA LISTAHAN NG MGA NANGUNA SA OCTOBER 2025 CERTIFIED PUBLIC ACCOUNTANT LICENSURE EXAMINATION (CPALE).
SI ROMNIEL P. BAYUCAN NG SAINT FERDINAND COLLEGE–ILAGAN AY NAGTALA NG TOP 5 NA MAY 90.17%, ANG UNANG PAGKAKATAON SA KASAYSAYAN NG KANILANG PAARALAN.
IBINAHAGI NI BAYUCAN NA HIGIT ISANG TAON SIYANG NAG-REVIEW AT SINIKAP PANATILIHIN ANG BALANSE NG PAG-AARAL AT PAHINGA.
IPINAGMALAKI NG PAMUNUAN NG KOLEHIYO ANG KANYANG TAGUMPAY BILANG INSPIRASYON SA MGA KABATAANG ISABELEÑO.
SAMANTALA, SI ROSSETTE M. PACCARANGAN NG PAMANTASAN NG LUNGSOD NG VALENZUELA, TUBONG CABAGAN, ISABELA, AY NAKAMIT ANG TOP 9.
IBINAHAGI NIYA ANG KANYANG PANANAMPALATAYA AT PAGSISIKAP MATAPOS IPAGPALIBAN ANG PAGKUHA NG BOARD EXAM DAHIL SA PERSONAL NA DAHILAN.
BATAY SA DATOS NG PRC, 3,460 SA 10,171 NA KUMUHA NG CPALE ANG MATAGUMPAY NA PUMASA NGAYONG TAON.
