CAUAYAN CITY – NAKAMIT NG ISABELA STATE UNIVERSITY-ECHAGUE CAMPUS ANG RANK 2 TOP PERFORMING SCHOOL SA BUONG REHIYON II SA KATATAPOS NA OCTOBER 2025 CERTIFIED PUBLIC ACCOUNTANT LICENSURE EXAMINATION (CPALE) NA GINANAP NOONG OKTUBRE 24 HANGGANG 26, 2025.
NAKAPAGTALA ANG ISU–ECHAGUE NG 57.14% PASSING RATE, NA MAS MATAAS KUMPARA SA NATIONAL PASSING RATE NA 34.02%.
KABILANG SA MGA BAGONG CERTIFIED PUBLIC ACCOUNTANTS NA NAGMULA SA ISU–ECHAGUE SINA MARIELLE GWYNETH S. CARIAGA, HERMIE G. DELA CRUZ, VENUS JOY V. GAMMAD, AT JENNY ROSE T. RAMOS.
IPINAHAYAG NG PAMUNUAN NG ISU–ECHAGUE ANG KANILANG LUBOS NA PAGPUPURI SA MGA BAGONG CPAS, NA ANILA’Y PATUNAY NG HUSAY AT DETERMINASYON NG MGA MAG-AARAL, PATI NA RIN NG KALIDAD NG PAGTUTURO AT PANG-AKADEMIKONG SUPORTA NG UNIBERSIDAD.
AYON SA PAMANTASAN, ANG PAGKAMIT NG MATAAS NA PASSING RATE AT PAGKILALA BILANG TOP 2 PERFORMING SCHOOL SA REHIYON AY REPLEKSYON NG PATULOY NA PANGAKO NG ISU SA ACADEMIC AT PROFESSIONAL EXCELLENCE.
KASABAY NG KANILANG PAGBATI, IPINAABOT DIN NG PAMUNUAN NG ISU–ECHAGUE ANG PANAWAGANG IPAGPATULOY NG MGA BAGONG PROPESYONAL ANG MGA HALAGANG INTEGRIDAD, KAHUSAYAN, AT SERBISYO SA KANILANG MAGIGING LANDAS BILANG MGA CERTIFIED PUBLIC ACCOUNTANTS.
