Nahuli ng mga tauhan ng Philippine National Police (PNP) ang dalawang lalaki matapos na pagnakawan at takutin ang dalawa nilang biktima sa loob ng isang bus sa may Taft Rotunda harap MRT Station sa Pasay City kahapon.
Kinilala ang dalawang naarestong suspek na sina Ramil Abaño ng Navitas City at Alex Sabalon ng Quezon City.
Sa inisyal na ulat ng Pasay PNP, habang nasa loob ng PUB RRCG Transport Bus ang mga biktimang sina Marlon Navarete Ruiz at Angela Acasio Austria ay bigla silang tinutukan ng patalim ng mga dalawang suspek at kinuha ang kanilang cellphone at pera.
Pero dahil agad nakaresponde ang mga pulis, naabutan sila sa loob ng bus at inaresto.
Nakuha sa mga suspek ang isang patalim, isang cellphone at cash na P300.
Sa ngayon, nakakulong na ang mga suspek at mahaharap na sa kaso.
