CAUAYAN CITY – PATULOY ANG GINAGAWANG IMBESTIGASYON NG CAGAYAN POLICE PROVINCIAL OFFICE KAUGNAY SA INSIDENTENG PANANAKSAK NA NAGANAP NITONG IKA-19 NG HULYO SA HARAP NG FOUNTAIN FOOD HOUSE SA MABINI STREET, BRGY. UGAC SUR, TUGUEGARAO CITY, CAGAYAN.
BATAY SA INISYAL NA ULAT NG KAPULISAN, NAGSIMULA UMANO ANG INSIDENTE MATAPOS MAGKITA ANG DALAWANG GRUPO NG MGA MENOR DE EDAD SA LOOB NG ISANG UNIBERSIDAD SA LUNGSOD HABANG DUMADALO SA ISANG PANGHAPONG MISA NA NAUWI SA PAGTATALO.
PAGKATAPOS NG MISA, MULING NAGKITA ANG DALAWANG GRUPO SA NASABING KAINAN KUNG SAAN ISANG 13-ANYOS NA LALAKI ANG SINASABING NANAKSAK SA DALAWANG KABATAANG MAY EDAD NA 17 AT 14.
TINANGKA PANG TUMAKAS NG SUSPEK KASAMA ANG GRUPO NITO SAKAY NG TRICYCLE SUBALIT NAHARANG SILA NG SECURITY PERSONNEL AT ISINUKO SA MGA PULIS.
NAKUHA NAMAN SA PAG-IINGAT NG GRUPO NG SUSPEK ANG DALAWANG BAKAL NA KNUCKLES, NGUNIT NAWAWALA ANG GINAMIT NA PATALIM.
ANG MGA BIKTIMA NAMAN AY AGAD NA DINALA SA PAGAMUTAN UPANG MALAPATAN NG AGARANG LUNAS.
SAMANATALA, TINIYAK NG CAGAYAN PPO NA GINAGAWA NILA ANG LAHAT UPANG MAPANAGOT ANG RESPONSABLE SA INSIDENTE AT MAPANATILI ANG SEGURIDAD SA LUNGSOD.
