Agad na binawian ng buhay ang driver ng trailer truck at ang dating barangay captain matapos na mawalan ng preno at sumalpok ang 40-footer container van sa isang junk shop sa E. Rodriguez Ave., Brgy. May-Iba, Teresa, Rizal.
Kinilala ang mga biktima na sina Alberto Bautista, 66-anyos, negosyante at dating brgy. captain ng Brgy. Sagad, Pasig City, at residente ng E. Rodriguez Ave., Brgy. May-Iba, Teresa, Rizal, habang nasawi rin ang driver ng truck na si Jetro Marcellones, 38-anyos, residente ng Bautista St. Mapulang Lupa, Valenzuela City.
Batay sa imbestigasyon ng pulisya, minamaneho ni Marcellones ang kanyang 40- footer container van mula Antipolo City papuntang Morong, Rizal, pagdating sa E. Rodriguez Ave., Brgy. May-Iba, Teresa, Rizal nawalan umano ng control ang trailer truck at sumalpok sa junk shop na pagmamay- ari ng biktima kung saan natutulog lamang nang mangyari ang aksidente.
Naisugod pa sa pagamutan ang driver ng truck pero binawian din ng buhay.
